平安夜晚餐(Fandango)

日期: 2010年12月24日
地點: 尖沙咀廣東道 - 西班牙餐廳Fandango

今晚平安夜，同老婆去咗尖沙咀一間西班牙餐廳Fandango食晚餐。揀呢間餐廳食嘅主要原因，係因為我哋之前嚟食過，覺得佢嘅幾款tapas都好好食，令到我哋好想再試下佢其他嘅菜式。

而揀平安夜嚟嘅原因，係今晚周圍都好多人，我哋又唔想同人逼，諗住西班牙餐廳會少D人，會係個唔錯嘅選擇。

雖然今晚餐廳有安排平安夜嘅menu，但我哋仍然可以order menu上面嘅a la carte菜式。經過一輪嘅選擇，我哋發現我哋想要試嘅菜式，都已經包咗喺個平安夜menu裏面。所以我哋就order咗兩份set dinner。

夏之北海道(十四) - 小樽 (完)

日期 ﹕七月十四日至十五日
行程 ﹕=> 小樽 => 香港

食完美味嘅海膽，我哋就揸車返小樽。途中經過余市郡，路邊有好多車厘子直賣嘅攤檔，我哋本來就好鍾意食車厘子，所以買咗盒千幾円嘅佐籐錦車厘子嚟試下。我哋急不及待喺車上面開嚟食。雖然係貴D，但真係好好食，D味道爽口帶清甜，物有所值。

夏之北海道(十三) - 積丹海膽

日期 ﹕七月十四日
行程 ﹕積丹

跟住落嚟，就要到今日嘅主角，海膽飯。其實我哋揸四個鐘車來回積丹，就係為咗一試積丹出產嘅新鮮海膽。政府為咗確保海膽嘅數量，每年只准漁民於六至八月捕海膽。而呢幾個月又係馬糞海膽嘅產期，要食新鮮嘅馬糞海膽，就要襯呢個時候去。

夏之北海道(十二) - 小樽/積丹

日期 ﹕七月十三日至十四日
行程 ﹕小樽 => 積丹

由富良野揸車到小樽要三個幾鐘，到嘅時候，已經近夜晚八點。去酒店check-in後，就即刻去食晚餐。早幾日跟團嘅時候，淨係夠時間試咗D小食同甜品。今次再返嚟，終於可以試下出名嘅壽司。小樽有一條壽司屋通，由多間壽司店組成，當中政壽司同旭壽司最出名。而我哋今次就揀咗後者。

夏之北海道(十一) - 富良野

日期 ﹕七月十三日
行程 ﹕富良野 => 小樽

今日一起身已經見到有太陽晒入嚟，天氣晴朗，真係好彩。事關今日都會喺幾個花田遊覽，如果落雨就麻煩啦﹗

一出發，先去日之出公園，聽聞有好多人喺個度嘅愛之鐘下求婚。進咗入公園一陣就見到個山丘，遠望過去係一大片薰衣草，不過隻色好似唔係太紫。行近啲至發覺啲薰衣草其實都好紫下，而且仲好靚添。 隔離都有其他嘅花，當然唔夠薰衣草咁受歡迎。

夏之北海道(十) - 美瑛

日期 ﹕七月十二日
行程 ﹕=> 富良野 => 美瑛 => 富良野

今朝一早，我哋就由帶廣向美瑛出發。因為今日天氣唔多好，一路落住雨，所以盡量安排室內參觀，戶外嘅就留番聽日天氣好D嘅時候去。途中我哋經過富良野，見到有好多農場售賣蜜瓜，我哋駛咗入其中一間度睇下。一落車，老板娘就邀請我哋試食佢D蜜瓜，佢有紅肉同青肉嘅富良野蜜瓜賣。我哋覺得青肉比紅肉嘅好食，決定買返個過幾日食。老板娘話兩個賣一千五百円，唔係貴。不過我哋見D蜜瓜都係已經好熟，係要盡快食嘅，我哋就問老板娘有無D生少少嘅可以留番過幾日先食。咁佢就比咗一個賣一千円嘅我哋，但當我哋俾完錢想走嘅時候，老板娘竟然話免費送多個較熟嘅蜜瓜俾我哋，真係好抵﹗當晚我哋就食咗免費嗰個蜜瓜，好甜，都幾好食，不過就甜到有啲choke喉。

夏之北海道(九) - 帶廣豚丼

日期 ﹕七月十一日 (下午)
行程 ﹕=> 帶廣

食完飯之後，我哋再次向帶廣進發。沿住釧路嘅海岸線行駛，風景唔錯。可惜揸緊車，唔可以影番兩張相。返到帶廣市嘅外圍，見到有間大形嘅家居用品超市，我哋即刻泊低架車入去逛下。裏面好大，有好多種貨品。

夏之北海道(八) - 釧路濕原

日期 ﹕七月十一日 (上午)
行程 ﹕=> 釧路濕原

下一個目的地，係日本最大嘅濕原—釧路濕原。由於濕原嘅面積好大，而我哋對自然生態又唔係有太大興趣，所以我哋只係去咗幾個景點參觀，無揀到坐艇仔遊濕原或者搭濕原列車。

夏之北海道(七) - 道東三湖

日期 ﹕七月十日(下午)至十一日(上午)
行程 ﹕=> 阿寒湖 => 屈斜路湖 => 硫磺山 => 川湯溫泉 => 摩周湖

食完飯之後，我哋就向道東三湖出發。道東三湖係指喺阿寒國立公園範圍內嘅阿寒湖、屈斜路湖及摩周湖。當中阿寒湖較為出名同受港人歡迎。

夏之北海道(六) - 釧路和商市場

日期 ﹕七月十日(上午)
行程 ﹕=> 釧路和商市場

一朝早，就由帶廣揸車向釧路和商市場出發。今日開始，北海道嘅天氣變差，一路揸車都落住大雨。好彩第一站係室內嘅漁市場，期望晏D去阿寒嘅時候，天氣會好番D啦。

夏之北海道(五) - 帶廣

日期 ﹕七月七日至九日
行程 ﹕千歲機場 => 夕張休息站 => 帶廣 => 吟壽司

喺機場攞車，需要搭接駁巴士到租車公司嘅辦事處，雖然唔係好方便，但係服務唔錯。

攞咗車之後，花咗D時間熟習個GPS。日本嘅GPS比歐洲用嘅好用好多，提供嘅資料詳細得多。而且只要輸入電話號碼就揾到目的地，慳返我好多事前準備嘅時間。

夏之北海道(四) - 小樽/札幌 (跟團)

日期 ﹕七月七日至九日

行程 ﹕小樽 (運河、音樂盒館、北一硝子館) => 札幌 (白之戀人、神宮、薄野、Rera Outlet)

嚟到小樽，首先我哋到運河邊睇日落。由於時間尚早，未有日落睇，影咗兩張相就要返酒店。

夏之北海道(三) - 美瑛/富良野 (跟團)

日期 ﹕七月七日

行程 ﹕洞爺 => 美瑛 (西北之展望台、四季彩之丘) => 小樽

今日morning call比較早，因為今日嘅大部份時間都係搭長途車。食完早餐後，就要開始4個鐘嘅車程去美瑛/富良野。

架車行咗近兩個鐘，就喺個道之駅度落車休息，去洗手間。我哋就喺小食店買咗杯夕張蜜瓜雪糕試下。

夏之北海道(二) - 登別/洞爺 (跟團)

日期 ﹕ 七月五日 - 六日

行程 ﹕ 千歲機場 => 登別 => 洞爺

旅行團行程一開始，我哋先坐個幾鐘頭車到登別，去參觀登別地獄谷。除咗地獄谷外，行程仲有個所謂嘅藥師如來像。車!....咪原來又係同一個景點。

夏之北海道(一) - 札幌

日期﹕七月四日 - 五日

行程﹕香港 => 首爾 => 札幌

我哋買咗大韓嘅機票，零晨起飛，要飛5個鐘去首爾，再喺首爾等5個鐘轉機去北海道。大約中午前就會到達新千歲機場。

上機之前，我哋去咗翡翠拉麵食晚餐。以前已經試過佢嘅其他幾間分店，佢啲小籠包算唔錯，但今次喺機場呢間，竟然令到我哋十分驚喜。

夏之北海道(零) - 序

我哋自從十年前去完日本九、本州後，話咗要去北海道好耐，但結果每年都揀咗D新嘅國家去，再無返過去日本。

今次因為某D原因，終於決定去北海道。Plan咗12日嘅行程，7月4日至15日，5日跟團，7日自駕遊。

機票方面，雖然今次有跟團，但係因為國泰團體機票最多只可以逗留8日，唔可以再extend，我哋唯有自購機票。因為係旺季，直航機票又貴又難攞，我哋又唔想等waiting，結果我哋揀咗大韓嘅機票。零晨起飛，要係首爾等5個鐘再轉機去北海道，等待嘅過程都幾漫長。