日本東北雪國之旅(三) - 仙台、南三陸

日期 : 一月廿四日及廿五日早上
天氣 : 天陰寒冷(廿四日)、天晴(廿五日)
行程 : 福島市 → 仙台 → 南三陸

今日行程嘅主打，係去我哋期待咗好耐嘅南三陸温泉酒店。由於福島市去南三陸嘅車程比較遠，我哋會喺仙台中途停留參觀同食午餐，然後再去南三陸。

由福島到仙台，主要係行高速公路，但仍然需要個幾鐘嘅車程。到咗之後，首先去參觀青葉城址。呢度係當年伊達政宗所建造嘅青葉城遺址，而城址上最出名嘅係一座伊達政宗騎馬雕像。

日本東北雪國之旅(二) - 会津若松、豬苗代湖

日期 ﹕一月廿三日
天氣 ﹕大雪 → 天陰
行程 ﹕米沢 → 会津若松 → 豬苗代湖 → 五色沼 → 福島市

今日嘅行程，首先係去西会津若松摘士多啤梨。由於琴晚一直落雪落到今朝，我哋攞車嘅時候，發現架車上面積咗一層厚厚嘅雪。所以我哋出車之前，首先要清理咗車上面嘅雪先。

其實清理積雪都唔容易o架，車上面嘅雪掃嚟掃去都掃唔乾淨，最終我只係清理好車窗同倒後鏡上嘅積雪，其他地方掃下就算。

日本東北雪國之旅(一) - 米沢

日期 ﹕一月廿二日
天氣 ﹕天晴 → 大雪
行程 ﹕香港 → 東京 → 米沢

今次嘅旅行，半年前就已經開始籌備。但由於個旅程同農歷新年有重疊，而且日數仲要多過七日，如果買CX嘅機票會比較貴。最終，我哋買咗Delta嘅來回東京機票，連附加費都只係四千蚊左右。喺農歷新年檔期，算係好抵。

日本東北雪國之旅 (零) - 序

剛剛去完日本東北返嚟。今次嘅旅程有十六日，好豐富，我哋玩得好盡興。上年夏天去北海道，令我哋最難忘嘅係D食物，其次就係薰衣草原。而今次冬天到日本東北，就各方面都好出色，行程包羅咗不同嘅元素，有風景雪景、美食、溫泉、滑雪、睇日出、冰上釣魚。仲有機會喺冰天雪地上揸咗八日車，真係另一種嘅體驗。

今次十六日嘅行程，時間上較為充裕，行程编排上面亦較有彈性。我哋可以好悠閒咁享受今次嘅旅程。